Дом

Гэта дом, у якім я нарадзілася. Бабуля зь дзядулем пабудавалі яго напрыканцы 20-х гадоў. Дом знаходзіўся на 2-м Брылеўскім завулку. А ў 1977 годзе яго зьнесьлі і пабудавалі на ягоным месцы дзіцячы садок, у які потым хадзіў малады беларускі паэт kabierac :)
І хоць дома няма ўжо больш за 30 гадоў, ён усё роўна жыве ў маіх снах : разам з маліньнікам, старой ліпай ля брамкі, антонаўкамі, бэзам, бабуляй, сябрамі дзяцінства і сабакам Пушком...
А ўначы ў ягоных вокнах заўсёды гарыць сьвятло. І ягоныя аканіцы ніколі не бываюць зачыненымі...