Раніца. Палова на сёмаю...
Выходжу з дому я.
'Шчэ нават не разьвіднела – асеньні дзень толькі пачынаецца.
Лісьце шамаціць. Падае… Шамаціць…
Нерэальная цішыня
І гул на фоне… Гул паступова ўзмацняецца –
ўсё ж такі ў горадзе мы…
Мяжа зімы
з восеньню – яе ж няма
Жоўтае лісьце пераплятаецца зь зялёнымі травінкамі – і ўсё гэта ў блёстках сьнегу
Няма асобна зімы, няма асобна восені. Ноччу – покрыва белае, раніцай – засьцілаем жоўтым ізноў… і так ажно да…
сьнежня?
Яшчэ парачка канцэртаў, дзён народзінаў, новы год… і новы год
Усьмешкі – такія рэдкія… сьвятлафоры такія жоўтыя
Я радуюся, калі мне дораць час
З шэлестам падае лісьце
З лямантам падае долар
Рыхтуйся – зіма ўжо блізка
Рыхтуйся, вясна ‘шчэ ня скора
Комментариев нет:
Отправить комментарий