Сёньня дзень сьвятых Арханёлаў Міхала, Габрыэля, Рафала

Верш Мар'яна Дуксы з «Паэтычнага Календара» для дзетак.

У гонар Святых Арханёлаў
пахілім з пашанаю голаў –
у гонар святога Міхала,
у гонар святога Рафала,
святога Габрыэля…
Як ёсць яны – чуемся смела!
Бо нашы яны абаронцы.
Да нас прылятаюць з-пад сонца.
Штодзённа спрыяюць нам дужа,
пільнуючы кволыя душы,
ад духа ратуючы злога,
праводзячы душы да Бога.