Сёньня ў мяне ў пліце газ зьнік. У суседзяў таксама. Гадзіны дзьве яго не было. Я ўжо нават падумала, што пераварот адбыўся… У нас… А мо’ ня ў нас… Ну, ці Рыгоравіч вэнтыль у транзытнай трубе падкруціў - у сувязі з рэзкай зьменай палітычнай абстаноўкі. А мо’ не Рыгоравіч, а БээРэСэМаўцы – ў знак пратэсту супраць прыезду Рамштайна ў Менск. А ў мяне ж нават кіпяцільніка няма, ня кажучы ўжо пра электрычны імбрык… Ну ўсё, думаю, прыйдзецца прама ў хаце вогнішча распальваць… Але ўсё аказалася нашмат празаічней. Проста прадзіравілася нейкая невялічкая газаносная труба раённага маштабу, якую неўзабаве залаталі. А ветлівы майстра пазваніў у дзьверы і паведаміў, што ўжо можна заварваць гарбату, альбо каву… Вось што значыць стабільнасьць...
Комментариев нет:
Отправить комментарий